Unha vez que o Cascade ficou proibido e uns meses despois de que a Xunta finalmente accedera a desautorizar a súa masiva fumigación sobre centos de milleiros de hectares no noso país, a radio pública galega deu antonte mércores a voz esta loita dentro dunha entrevista acerca da plataforma Change.org que fora a utilizada para recoller as case cen mil sinaturas contra o delirante plan das papeleiras.
Aquí pódese escoitar a intervención de Casdeiro, promotor daquela recollida de sinaturas que precedera á creación da nosa Plataforma:
O grupo parlamentario de Alternativa Galega de Esquerda, a iniciativa do seu deputado Antón Sánchez García e a través da súa Vicevoceira Yolanda Díaz Pérez, e ao abeiro no disposto no artigo 160 do Regulamento do Parlamento de Galiza presenta ante a Mesa a seguinte Proposición Non de Lei relativa á preservación dos insectos polinizadores e da supresión da moratoria sobre os pesticidas da familia dos neonicotinoides e fenilpirazoles, para o seu debate en Comisión.