soc.culture.galiza
Home Page
o newsgroup
galego
[Qué é o soc.culture.galiza][Creación
do grupo][A (antiga) moderación automática][Por
qué Galiza e non Galicia]
[Ler e participar nas discusións do grupo][Información
sobre os newsgroups en xeral]
[NOVO: Arquivos históricos
de mensaxes (1999-2006)]
Que é o soc.culture.galiza?
Na comunidade galega espallada por todo o mundo existía a mediados
da década dos 90 unha forte necesidade dun foro onde os galegos, e outra
xente, poidan intercambiar información sobre Galicia, a súa cultura,
e o desenrolo futuro do país. Aínda que daquela existían
algunhas listas de correo que tiñan como temas de discusión
o idioma e maila cultura galegos, non había un newsgroup
onde os galegos do estranxeiro poideran manter un vencello coa súa terra
nai para discutiren temas galegos nun amplo sentido. Estas discusións non
eran apropiadas nun newsgroup xeral, como soc.culture.spain, especialmente
se se facían usando o galego, que a maioría dos españois
non poden comprender de todo. As discusións terían lugar principalmente
en galego, recurrindo ó portugués, inglés ou castelán
se é necesario para un completo entendemento.
O newsgroup soc.culture.galiza está destinado á discusión de temas relacionados con Galicia, Península Ibérica: historia, actualidade,
futuro desenrolo político e económico, cultura e tradicións,
idioma, e relacións con outros países.
E se queres coñecer cómo foi o nacemento do grupo podes consultalo no documento de Luís Pérez Carrasco sobre GALICIA-L e a xestación de soc.culture.galiza.
Creación do grupo
Na Internet, a creación dun grupo non ten lugar ata que tódolos cibernautas que o desexen participen nun referendo que aprobe o novo grupo. Para que o referendo teña un resultado positivo, 2/3 dos votos emitidos teñen que ser afirmativos. Ademais, o número de votos positivos ten que superar polo menos en 100 ó número de votos negativos.
No noso caso a votación tivo lugar entre o 7 e o 26 de Marzo de 1.997, e foi xestionada por Mr Jeremy Billones (billones@PRIMENET.COM) dos Usenet Volunteer Votetakers, asociación neutral que leva a conta dos votos dos newsgroups. Podes ver aquí a CFV (Chamada á votar) coa que se invitaba a tódolos cibernautas a participar. O resultado foi o seguinte:
- 402 votos válidos:
- 380 votos a favor.
- 22 votos en contra.
- 13 votos nulos.
Podes ve-los votos e mailos votantes na acta da votación.
A distribución dos votos gráficamente foi esta:
Máis información actualmente en news.announce.newgroups, news.groups, GALICIA-L.
A (antiga) moderación automática
O grupo soc.culture.galiza foi un dos primeiros grupos na Internet
en usa-las novas tecnoloxías para elimina-las mensaxes-lixos que ameazaban
a moitos dos grupos establecidos anteriormente. O uso dun programa
de robomoderación (STUMP, escrito por Igor Chudov) permitía
eliminar mensaxes enviadas de forma masiva antes de chegar ó lector. Isto
tamén tiña vantaxes económicas para os lectores que tiñan
que pagar por tempo de conexión. O uso da robomoderación
só eliminaba artigos por problemas de forma. O contido dos
artigos nunca sería obxecto de censura.
Política de moderación:
Soc.culture.galiza só empregaba robomoderación. Non
se inclúe moderación humana. En caso de problemas co programa moderador,
Ramón Flores Seija (fa2ramon@usc.es) era
o encargado de solucionalos.
- O programa robomoderador filtraba todos os artigos enviados a soc.culture.galiza.
Rexeitaba todas aquelas mensaxes enviadas tamén a 4 ou máis
newsgroups aparte de soc.culture.galiza.
- O programa robomoderador, cando rexeitaba un envío, mandáballe
ao autor do mesmo unha copia das normas para a moderación do grupo
e unha explicación de por qué non foi admitido o seu artigo.
Aparte disto o robomoderador tiña as seguintes vantaxes:
- Enviaba unha mensaxe de benvida a primeira vez que se enviaba un artigo
ó newsgroup; nesta benvida indicabase o URL da páxina
web do SCG (esta na que estás agora), e podíase incluír
outra información que se quixera (FAQ, información para novatos...).
- Facía resumes diarios dos artigos enviados ó grupo.
- Facía todos os meses resumes dos artigos aceptados e rexeitados;
estes resumes mandábanse automaticamente ao newsgroup.
- Facía arquivos automáticos semanais cos artigos dese periodo
en formato HTML.
O final da moderación:
O 29-Decembro-2006 foi enviada a seguinte mensaxe ao newsgroup dando
conta de que a robomoderación remataba:
mediante esta mensaxe informamos que o grupo de novas Soc.Culture.Galiza
(SCG) xa non está moderado. Esperamos que esta medida contribúa a dinamizalo
ao non existiren tempos de espera entre o envío das mensaxes e a sua publicación.
Tamén informamos que a dirección de correo electrónico s...@usc.es, á que
se podían enviar antes as mensaxes para seren publicadas no grupo, xa non
está operativa polo que agora hai que utilizar obrigatoriamente un programa
xestor de grupos de novas. Por último, a páxina web na que se arquivan as
mensaxes do SCG (http://web.usc.es/~scg-adm) non vai ser actualizada a partires
do de agora.
Un saúdo e feliz ano, Ramón Flores Seijas Carlos Montero Orille
Por que o nome de Galiza?
O uso do nome Galiza para designa-lo noso país non obedece
a ningún criterio político. En xeral, os nomes dos grupos van en
inglés. Nembargantes, no noso caso, o uso deste criterio produce confusión,
xa que existe un territorio en Polonia que os ingleses tamén chaman Galicia.
Para evitar problemas no futuro, e coa recomendación dos mentores da Internet,
decidiuse optar por un nome que evitara malentendidos. Galiza ofrecía
unha alternativa aceptable.
Como se participa en soc.culture.galiza?
Para ler e enviar artigos a soc.culture.galiza faise coma a calquera outro grupo, dende un programa lector de news.
Se te atopas con algún problema á hora de encontrar o grupo no teu servidor de news, ou se non tes servidor de news (news host) podes consultar esta lista de servidores de acceso público.
Pode ler o arquivo das mensaxes enviadas a soc.culture.galiza
nestas mesmas páxinas. Ate Febreiro de 2007 estivo aloxado
este arquivo no enderezo http://web.usc.es/~scg-adm.
Para da-lo grupo a coñecer podes facer un link nas tús páxinas a esta Home Page do grupo, e podes usar este logotipo nelas 
incluíndo as seguintes liñas:
<a href="http://www.redegalega.org/scg">
<IMG SRC="http://www.redegalega.org/scg/scgpeq.gif" WIDTH="100" HEIGHT="47"
ALT="soc.culture.galiza, o newsgroup galego" BORDER="0">
<B>soc.culture.galiza</B> Home Page</a>.
Información sobre os newsgroups en xeral
Velaquí uns enderezos interesantes:
Axudaron a facer posible o newsgroup (entre outros):
Lista GALICIA-L, Luis
A. Pérez Carrasco, Xosé
Manuel Diéguez Pérez, Manuel
Carro, Xabier Boullón-Agrelo,
Anxo Sánchez, Xurxo
Durán Laguna, Mark James,
Universidade de Santiago de Compostela, Ramón
Flores Seijas, Miguel Conde
Simón, Carlos Montero, Pedro
Muiño.
Axudaron nestas páxinas:
Manuel Casal Lodeiro, Pedro
L. Muiño, Lista GALICIA-L,
Díaz Pardo, Vieiros,
Arnal e S.I.M.I.L.,
que puxeron o espacio. Actualmente é aloxada gratuitamente por RedeGalega,
responsabilidade da Asociación Cultural
Fillos de Galicia.
Historial de actualizacións: 19-Febreiro-2007, 23-Abril-2000...
