Lámpadas incandescentes vs. LED

[Casdeiro]

O outro día unha persoa estrañábase da miña defensa e preferencia polas lámpadas de toda a vida, as incandescentes.

Por un lado dicíame o moito que consomen. Pode, pero no fondo o que conta é o consumo total, e se trocamos incandescentes por LEDs ou as velenosas fluorescentes (CFL) e aforramos aí uns Ws (de consumo final soamente, porque non esquezamos que desbotar unha lámpada xa en uso para mercar outra fabricada no quinto carallo e trasportada ata a tenda da nosa cidade xa leva ás súas costas moitos KW de partida gastados)... pero ao tempo usamos aparellos que consomen nun só minuto moitísima máis enerxía (aspiradoras, batedoiras, lavadoras, etc.) ou simplemente enchemos a nosa casa de aparellos todos sumando consumos... qué diferenza neta supón?

Penso que é preferible un consumo moito máis parco, sen tantos electrodomésticos, e usar lámpadas incandescentes, que por unha banda no inverno axudan a quentar unha casa ben illada (son eficientes estufiñas eléctricas!) e por outra, o máis importante, son tecnoloxías doadas de manter nun mundo pospetróleo, polo menos moito máis cás LEDs.

Dicíame esta persoa que unha fábrica de LEDs é doada de poñer en calquera parte e que podiamos estar producindo aquí os diodos destas lámpadas. Pero eu replicáballe que non deixa de ser electrónica, unha tecnoloxía moito máis complexa e dependente de todo tipo de insumos (semicondutores, etc.) mentres que as incandescentes son tecnoloxías ¡do século XIX! que con poucos materiais e aparellos (algo de metal e vidro, aparellos para facer o baleiro e encaixar as pezas) poden crear unha tecnoloxía moi eficaz e moi duradoira. Aí está a famosa lámpada que nos EUA leva máis de 1 século a funcionar seguido!

En definitiva, eu vexo un futuro postindustrial no que aínda se poida fabricar unha lámpada incandescente fornecida con electricidade local, pero non un futuro onde se poida substituír unha lámpada de LEDs con tecnoloxía local.

[estevo]

Há-se ver. O que será tecnologia "apropriada" (termo que eu prefiro entender como "feita própria" pola comunidade) dependerá do que cada comunidade seja capaz de reproduzir (ou ainda melhorar!), em colaboraçom com outras. Eu nom lhe poria teitos a priori. Seguirá havendo gente com inventiva e gosto por foçar. Haverá que reinventar moito, mais seguramente nom todo. Nũa lâmpada LED nom hai, em princípio, moitos derivados do petróleo, e os que houver talvez poidam ser substituídos (por exemplo, o plástico da lente por vidro). Hai, si, ũa árbore de prerequisitos tecnológicos detrás. Veremos quanta dependência do petróleo insuperável hai nestes prerequisitos. Eu nom som engenheiro... ainda.

Seja como for, ante a perspectiva de acumular lâmpadas LED ou incandescentes para o futuro eu enchia de LEDs, enquanto se puiderem arranjar. Nom vejo qualquer razom para acumular incandescentes. Se fundirem nom hai quem as amanhe. Quando ficar sem elas já substituirei co que houver, sejam incandescentes de produçom local ou velas.

[JuanSinPetroleo]

Unhas lámpadas sin obsolescencia programada e reparables: http://www.iwop.es/productos.php

"Sus bombillas son fabricadas según las siguientes características:

1. Sin obsolescencia programada.
2. De muy bajo consumo.
3. Con materiales no contaminantes.
4. Con materiales que no perjudican la salud.
5. Reparables.
6. Con componentes que se pueden sustituir por otros mejores en el futuro.
7. Dentro de una producción hecha en Cataluña, que no deslocaliza puestos de trabajo en países que no respetan los derechos humanos ni los derechos laborales, ni requiere trasladar materiales ni materias primas usando un petróleo cuyo control genera guerras.
8. Dando empleo a personal con riesgo de exclusión social."